1. |
Boxi sirbonesca
02:32
|
|
||
Sa boxi de su sirboni
tzùniu
scurigat
ndi bessu imoi
a travessu
in su landari
Là! Sa forada
prena de àcua
friscu ludu
po mi sciacuai
imbrùscina che imbrùscina non mi ndi bollu pesai
apu a circai a poi calincuna cosa de papai
imoi sigu a mi fai bellu po sa mardi de impringiai
a sa fini de s’atòngiu non nc’at mellus cosa de fai
tzùniu
Fàmini
tèngiu imoi
cun is murrus
a scorrovonai
papu totu
làndiri
faa de procu
speigus puru
deu scorrovonendi bogu cosa de papai
in s’ora chi mi prandu sa tzudda at a sciutai
a poi circu una mata po mi scrafi e mi limpiai
imoi est obrescendi e incarrerant a tzerriai
tzùniu
sa boxi de su sirboni
|
||||
2. |
Forti che unu boi
01:06
|
|
||
Mi ndi pesu a is cuatru de chitzi poita depu traballai
M’abetat unu campu de sperdiai
In s’istai non timu basca arregollendi dònnia dì
Tamata e crocoriga fintzas a merì
Chini mi connoscit s’at a contai ca seu forti che unu boi
S’eis a spantai poita seu forti che unu boi
Forti che unu boi
Apu carriau ballas e tragau fintzas e s’ortigu
Sa fortza cosa mia parit unu fogu
Abbruxat su traballu cumenti chi siat stua
Ma unu cropu ‘e ària mi frucat
Ant sempri contau ca deu fia forti che unu boi
Crocau a callentura mortu seu innoi – bravu calloni
|
||||
3. |
Sa conca de sa tzonca
03:33
|
|
||
Sutzedit a bortas ca no iscis ita pensai
po su chi non fais ma ias a dèpiri fai
ma chi sa gana est pagu nc’at pagu cosa de nai
chi cussa non ti lompit non dda podis agatai
Calincunu narat ca imoi est s’ora de ponni conca
a tui ti cassant sempri imbriagu che sa tzonca
mellus chi ti lassint cantai
po ti scexiai
A bortas no acudis nemancu a nci provai
s’idea de su traballu ti fait stanteriai
sa coja e sa famìllia ti faint caciai
nci pensas pagu pagu e torras a bufai
rit
E candu as scexiau arrennescis a cumprendi
ca in conca portas espis arremolinendi
in bàsciu chi si frimint càstias a su chi ses faendi
ses cument’e una tzonca chi su noti est abetendi
po torrai a bìviri e a si pònniri a cassai,
dd’abetas po torrai a ghetai. E po cantai.
|
||||
4. |
Ollu de seu
01:53
|
|
||
In su craddaxu petz’e brebei
cun àpiu e cibudda ca fait prexeri
una pistinaga e perdusèmini
gheta su sali e lassa coi beni
ca ‘ndi bessit, ca ‘ndi bessit, ca ‘ndi bessit bessit bessit s’ollu de seu
Su stògumu est pràndiu e totu andat beni
ma a bortas su prexu si fùrriat in chechei
dinnidai strecada asuta de su pei
de unu pasteri ingrassau de mei
candu bessit, candu bessit, candu bessit bessit bessit s’ollu de seu
che a pegus tzerriaus in mesu de s’arei
in circa de bìviri a trassa de rei
unu craddaxu eus a pòdiri cassai
e unu fogu allutu po si scallai
candu bessit, candu bessit, candu bessit bessit bessit s’ollu de seu
|
||||
5. |
Su scopiau
02:40
|
|
||
Dd’iat castiau chentz’e musciai
Ddi pariat su carr’e nannai
Fiat arribbau in su bixinau
E pariat unu sciollocau
Non fiat cosa de trumentai si dd’iant nau
“Est unu scopiau! Unu scopiau!”
Iat pensau de ddu frimai
e de si ponni a arrexonai
iat abetau chi fessat intrau
in su tzilleri de tziu Cau
e cumenti fiat bessiu fiat unfrau
e de binu malu! De binu malu!
Iat incarrerau a scùdiri su muru a pinnigosus
fatu fatu iscudiat sa conca puru
arrùbiu fiat su sànguni sfaendi de is manus
tandus iat fatu a terra incidrinau
Fiat andau po dd’agiudai
Pariat prontu a campanai
Ndi dd’iat pesau e fiat siddau
Strantaxu dd’iat apoderau
Nemus chi si fessat acostiau
Dd’iant mollau! Dd’iant mollau
Iat pigau a ddu sansinai
In circa de ndi ddu scidai
Stontonau fiat torrau
De su sonnu chi iat pigau
E su chi fut sutzèdiu s’iat contau
Cussu scopiau! Cussu scopiau!
“Seu intrau a su tzilleri po mi bufai una tassa
Ma perou nd’apu sbudiau a su mancu trinta
Praxia a sa picioca chi mi serbiat a mesa
E at circau de mi basai e mi seu caciau!”
Sa genti ddu castiàt po spantu, in su tzilleri arriiant a scracàlius
Sa boxi sua fiat che unu lamentu in unu cuncordu de macus
Afexau e pudèsciu a bentu arriiat impari a cuddus atrus
Pariat scexiau in unu momentu e ddus biiat cument’e tzàpulus
A su tzilleri fiat torrau e sa picioca iat tzerriau
“Iscusimì su frori bellu chi su figau nc’apu torrau,
imoi seu paris fidatia, su bàsidu m’est ammancau
donamiddu po prexeri, ca ndi seu bessiu ammachiau!”
Issa dd’iat castiau, una bussinada dd’iat tzacau
e po pagu non ddu lassàt mortu in terra
si ndi fiat torrau a pesai e si fiat fuiu lassendi a donniunu s’arregordu de unu scopiau.
|
||||
6. |
I(s) de is biddas
02:48
|
|
||
I cument’e Ìsili, i cument’e Iscroca
I cument’e is bècius chi si spàssiant in sa bia
I cument’e Iertzu, i che a Istersili
I cument’e is crabas in su monti a meria
Pareus pagu bessius, dromideddus, bonus sceti a s’allerai
calincuna cosa da scieus, bai trancuillu, prova a dd’ascurtai
nosu seus is de is biddas
I cument’e Ilartzi, I cument’e Iscanu
I cument’e is contus de bècia sabidoria
I cument’e Irgoli, i che a Illurai
I cument’e is fràulas chi non funt de domu mia
Portaus unu coru mannu, chi nc’est abbisòngiu si poneus a trumentai
Chi si bolis cullunai, bai trancuillu ca non torras a passai
Nosu seus is de is biddas
Fàcili est a biri sa nosta misèria
S’arrichesa nosta abarrat cuada
Chisteusidda beni ca si podit fuiri
E in atras manus s’at a fai a biri
Bella e luxenti che a una prenda
Ma allena e pudèscia a fragu de merda
|
||||
7. |
Incasinau
02:16
|
|
||
Seu incasinau non tèngiu dinai
seu incasinau non tèngiu de ita papai
seu incasinau ia a bòlliri traballai
seu incasinau tocat a trumentai
M’est tocau fintz’a fincai sa domu
po duas nuxis chi m’iat bogau sa banca
fiat sa bìngia chentz’e àxina
fiat su campu chentz’e trigu
fia trunchendimì sa schina po mi mòrriri de fàmini
Seu incasinau non tèngiu dinai
seu incasinau non tengiu de ita papai
seu incasinau ia a bòlliri traballai
seu incasinau tocat a furai
M’est tocau a intrai torra a sa banca
a pediri dinai cun sa pistola
fiat sa brenti bella bùida
fiat su coru frimu e in paxi
fia traballadori e imoi seu criminali
Seu incasinau non tenia de ita papai
seu incasinau non mi potzu frimai.
|
||||
8. |
Cundennau
03:50
|
|
||
Fillu miu criadura innotzenti
mancu nàsciu ses giai cundennau
a crèsciri chentz’e cuss’amori
chi babbu ti podit fai intèndiri
ascurta custus fueddus
chi mi bessint de su coru
in custa dia pensendi a tui
ca ses lòmpiu a tres annus.
Cument’a tui seu cundennau
Una curpa sceti m’ant cassau
Sa de bòlliri una vida chi balit
Sa pena de bìviri cun dinnidai
Dexi annus m’ant donau
Ma no apu bociu a nemus
Deu mi seu sceti ammostau
Inimigu po chini cumandat a totus
Fillu miu ponitì a cùrriri
Sighi sa mariposa chi bolat
E sa dia infatu si morit
Iscarìngia a arriri a chini giogat
circa su spàssiu e s’amighèntzia
bivi su prexu de sa mesa
posta po si ddui stentai
cun chini est beniu a t’atobiai
cument’e su pani, tui pratzi su tempus
cun is amigus in dònnia momentu
chi siat su tempus de
imparai a bìviri, a giogai e ascurtai
mancai sias cundennau.
|
||||
9. |
Bia santu Giuanni 300
02:16
|
|
||
A mengianeddu intrat a crèsia sa tzia
mancai ddi tochit s’astru issa depit pregai
fia contoniendu fàcias a domu mia
cun d-una mèurra in pitzus chi non bolit bolai
In s’ora chi sparessint su macu tzèrriat e bessit a travessu in bia Santu giuanni
operint is butegas, su soli si callentat is domus de sa bia in bia Santu giuanni
ddui est puru un’acorru po genti machillota in bia Santu giuanni 300
Arribat mesudì e po pràndiri acostiaisia
at a èssiri sempri obertu chi ingolleis de bufai
sètzius in sa mesa fintzas a meria
e candu spaciaus totu, trancuillu eus a stupai
Eus a fai trinta, fadeus trintunu puru lompendi a su tzilleri in bia Santu giuanni
birra a tenta dereta, genti fata a lera, dòcias de àcua frida in bia Santu giuanni
funt is ses ‘e chitzi, mi ndi torru a domu mia in bia Santu giuanni 300
Torrendi muru muru, parint chilòmetrus custus 40 metrus de bia Santu giuanni
in su muru de s’àtera parti una crica de tzoncas sighint a cantai in bia Santu giuanni
E sa tzia lompit a crèsia fàcias a domu mia in bia Santu giuanni 300
|
||||
10. |
Sa crai
01:52
|
|
||
Cument’as a fai chentz’e cussa crai
Chi t’assegurat unu pagu de libertai
T’inserrat aintru e a foras lassat
Su chi non t’andat e chi ti strobbat
Cudda genna serrada mai at a èssiri murrungiada
Se vera libertai si podit gosai
In d-unu aposentu fatu a croxu.
Lassa su mundu in foras
Cun totus is màscaras
Chi si ponint dònnia borta
A segunda de sa parti
Chi si tocat a giogai
oi ti tocat a cantai
cras depis ascurtai
A dis ses scopiau
In atras totu allichidiu
Oi fùrrias su mundu
Sa dì infatu ses masedu
Che unu cani cun su meri
Obbidis po ddi fai prexeri
Mancai siat unu trasseri
Oi margiani cras angioni
Oi cassau che unu sirboni
Cras bolas che unu stori
Dònnia dì càmbias colori
Poi torras a sa vida e a custa cagada
Ca gràtzias a una crai nc’as pòtziu mollai
In d-un’ora de pensamentu in d-un’ora de libertai.
|
||||
11. |
Urtimusu
01:21
|
|
||
Crèscius gioghendi in sa bia
Sa pratza fut sempri bia
Atòbiu faci a ora de is seti
Asut’e su pòrticu
Seus is ùrtimus crèscius chentza de unu short
si seus connotus chentz’e tenni facebook
eus tentu cuntatu unu cun s’àteru ma
seus is ùrtimus
castiai it’est abarrau
teneus unu mundu intreu
aintru de s’aposentu
ma a ita serbit?
Chi non nc’est prus coràgiu po nci bessiri a solu
Chi est sparèssia sa gana de afrontai su dolu
Su veru cuntatu, una memòria de is ùrtimus
Seus is ùrtimus
Oi incapas ti tocat po sciundi su pistocu
A ponni sa vida tua in pitzu de una faceburriku
Petza cun petza, sentidu cun sentidu sceti un arregordu po is ùrtimus
Seus is ùrtimus.
|
K'e-K'e-M Cagliari, Italy
K'e-k'e-m are a Sardinian rock'n'roll band that playing since 1999 around.
Streaming and Download help
If you like K'e-K'e-M, you may also like:
Bandcamp Daily your guide to the world of Bandcamp